Joke of the week : "Tinimbang ka ngunit Kulang" Misadbentyur ni Juan Episode one

“Tinimbang ka ngunit Kulang”

Misadvbentyur ni Juan : Episode ( Juan ) one 

By EQ

Lumuwas si Juan sa Maynila para magbaka sakali na makahanap ng trabaho. Unang beses nya palang nakapunta sa Maynila kaya medyo ninerbiyos, di alam ang pupuntahan at gagawin.

Lakad, lakad hanggang makarating sya sa Recto. Sa sobrang init at usok, nagutom sa kakalakad ang pobre kaya naisipang maghanap ng murang makakainan. Napadaan sa nagbebenta ng “Kwek-Kwek”.

“Grabe talaga ang Manila, sa amin ang itlog puti, dito orange. Pabili nga po ng orange na itlog, pakibalot po sa supot para kainin ko habang naglalakad”.

Inabot kay Juan yung “Kwek-Kwek” na binalot sa paper bag.

“Pati pambalot hindi plastic, tindi talaga dito sa Manila, ibang iba kumpara sa probinsya.”

Di na nagpatumpik tumpik pa, inupakan ni Juan yung “Kwek-Kwek”. Ang problema, recycled yung itlog, ang siste sumakit and tiyan ni Juan at kailangang dumumi.

“Saan ba may CR dito, baka dito pa ko magkalat.”

Kahit anong hanap, walang CR kaya dumiskarte na lang ang probinsyano, naghanap ng eskinita at doon dumumi sa Paper bag na pinagbalutan ng “Kwek-Kwek”.

“Hay salamat nakaraos din, san ko ba puedeng itapon ‘tong Ebs ko.”

So lakad na naman para maghanap ng tatapunan. Sa di kalayuan may nakita syang mga taong nag uumpukan so nakiusyoso muna si Juan.

“Baka pagkakakitaan to, sa harap ako pupwesto.”

Hindi nya alam na nag rarally pala yung mga tao laban sa madayang timbangan sa Manila.  Sigaw ng leader ng nag ra rally :

“Huwag po kayong papaloko sa mga tindero at tinderang gumagamit ng madayang  timbangan. Sisiguraduhin ko po sa inyo na puro mali ang mga timbangan dito sa Quiapo, Recto at Avenida at ito po ay papatunayan ko sa inyong lahat.”

Tinawag si Juan sa harapan, sabay hablot sa supot ng EBS at sigaw ulit si leader :                                                                                                      

“Ito pong supot ng lalaking ito, sisiguraduhin ko pong kulang ito sa timbang.”

Pilit ang tanggi ni Juan, pero hawak na ng leader yung supot kaya wala na syang magawa.

“Huwag po yan, huwag po kuya !!! ” ang sabi ni Juan.

Di nagpa pigil si Leader, sabay dukwang dun sa laman ng supot…. Ang sumunod na eksena, bugbog sarado si Juan, pikit ang mata, nag kulay talong ang mukha.

Di nakapaggpigil sa sama ng loob at hinagpis, sigaw si Juan :

“Mga hayop kayong mga taga Manila, ayaw ko na dito. Pag kulang sa timbang Ebak mo, gugulpihin ka….  Hu hu hu !!!!”

Click for the next adventure of Juan below :
"May Tama ka juan ( episode 2 )"

If you wish to share an article I am happy to post it by emailing me at nosebleeds2@gmail.com and don't forget to SUBSCRIBE and leave a comment below.